Netflix人氣日劇《今際之國的有栖》第2季將於今年12月正式上架，除咗原班人馬全數回歸，今季仲追加山下智久、恒松祐里、磯村勇斗、井之脇海、毎熊克哉，以及佐藤穗奈美等6名新成員，其中山P更會飾演一位鍾意「裸露」嘅角色！

據了解，山下智久將會飾演裸體音樂家「梅花K」久間欣治，喺原著漫畫以一頭捲髮加上赤裸造型令人印象深刻，從官方所公開嘅相亦可以見到山P打大赤肋，至於實際會露幾多、有幾「忠於原著」就要到時先知！山P亦透過聲明表示自己都係《今際之國的有栖》Fans，好榮幸能夠參與第2季拍攝，「呢個角色非常有挑戰性，但我相信可以全身投入其中，因為我受到導演佐藤信介、山崎賢人以及其他台前幕後工作人員場熱烈歡迎。」

Netflixシリーズ『#今際の国のアリス』シーズン2 超豪華新キャスト一挙解禁✨#山下智久#恒松祐里#磯村勇斗#井之脇海#毎熊克哉#さとうほなみ

2022年12月、Netflixにて全世界独占配信！ pic.twitter.com/wQXks9AJU0

— Netflix Japan | ネットフリックス (@NetflixJP) June 19, 2022

（圖片來源：Twitter）

除此之外，曾喺《全裸監督》有過大膽演出嘅恒松祐里將會飾演女高中生塀谷朱音，而《東京卍復仇者》「千堂敦」演員磯村勇斗將飾演精通心理學及邏輯分析嘅盤田素那斗，於遊戲「紅心J」大顯身手。

資料來源：oricon