2018年時，外國網民Naseer Pasha與動畫工作室Stray Dog Animation合作推出一條只有一分多鐘長嘅《龍珠》同人動畫，結果因為獨特畫風、人設，以及相當精彩嘅戰鬥場面而成為網上熱話。事隔4年，Naseer Pasha終於完成整個計劃，並於YouTube發佈咗完整嘅11分動畫，

早於2018年條「預告」中，Naseer Pasha就曾經講過，佢覺得原版動畫嘅比達成日都好似個傻仔咁，所以決定自己整一條動畫出黎畀佢型返次。而新公開嘅完整影片亦的確係以比達為主角，故事一開始係天下第一武道大會中，芝芝因為悟空唔記得講過話要娶佢而大打出手，結果布洛利突然現身，並瞬間擊倒二人，隨後比達坐太空艙降落於會場，並變身超級撒亞人對抗布洛利，最後與化身成「天國救濟者」嘅悟空聯手將布洛利擊退。最後亦暗示布洛利會回歸，似乎係仲打算製作續集？