{ SKIP }
文:MenClub 魏文青  
POSTED ON 24 Aug 2022

雖然話近年Netflix嘅受歡迎程度慢慢減退,但其實上面都仲有唔少好睇嘅作品。例如改編自DC出品、著名作家Neil Gaiman原作嘅《Sandman (睡魔)》,就獲得一眾劇評人嘅好評,亦已經連續三個星期,成為Netflix上最多人睇嘅英語劇集。不過即使叫好叫座,Netflix就一直都冇確認會唔會開拍第二季。而Neil Gaiman日前更於Twitter向網民證實,佢有可能會帶住《Sandman》第二季轉投其他串流平台。

《Sandman》劇集改編自同名漫畫,講述掌管人類夢境嘅「夢 (Dream)」因一次意外而被人類囚禁100年並失去大部份法力及法器,於逃離後要回收能力、重建「夢之王國」。而故事後半亦有帶出更大嘅陰謀,明顯就係為下一季鋪路。

不過自劇集於本月初上線以來,雖然口碑及觀看次數都與日俱增,甚至連第二季劇本都開始寫緊,但Netflix就一直都未公佈會開拍第二季。近日有網民於Twitter上向Neil Gaiman發文,表示唔明白點解劇集咁受歡迎,但就一直冇第二季嘅消息。而Neil Gaiman就相當坦白地回答:「因為《Sandman》係一個好貴嘅製作,而要Netflix放水畀我哋拍第二季,(第一季)成績就要超級好。係,我哋過去兩個星期都係全球最多人睇嘅Netflix劇集,但可能都係唔夠好。」考慮到早前Netflix訂閱人數下跌嘅新聞,其言下之意,似乎就係暗示Netflix近來冇咩錢。

不過《Sandman》嘅Fans亦唔需要傷心,因為另外有網民問道:「如果Netflix真係唔畀錢你拍第二季,你可以帶套劇去Prime、Apple TV+、Disney+ 或者HBO Max架可?」而Neil Gaiman就非常乾脆地回答:「係」。所以係好大機會會有第二季,只係未必喺Netflix播咁解啫。

因應前國家主席江澤民今日(6日)舉行追掉大會,多個中國機構取消或延期娛樂慶祝活動,騰訊及網易等遊戲廠商亦宣布旗下網遊停服一天。 前國家主席江澤民於11月30日因白血病逝世,中國各大政府網站及社交 ...
hobby
【停止娛樂活動】為追悼江澤民逝世《王者榮耀》《原神》《荒野行動》等遊戲停服一天
06 Dec 2022
早前Margot Robbie接受《Vanity Fair》訪問時,提到原定由佢主演嘅《Pirates of the Caribbean》新電影 (可能係續集,又可能係外傳) 已經被取消。不過近日系列監製接受另一間傳媒時,就澄清指出Margot Robbie嗰套係 ...
hobby
【影視】監製澄清Margot Robbie繼續有得做《魔盜王》 未透露Johnny Depp會否回歸
05 Dec 2022