曾於80年代紅遍亞洲嘅日本歌姬中森明菜，昨日無預警地開設Twitter帳號宣布復出，相信好快就可以再次聽到佢嘅歌聲！

いつも応援してくださるファンのみなさまへ。
ご無沙汰しております。中森明菜です。
今の自分の言葉でお手紙を書きました。
読んでいただけたら嬉しいです。 pic.twitter.com/n9F2MtdU2T

— 中森明菜 (@akinan_official) August 30, 2022

現年57歲嘅中森明菜昨日開設Twitter帳號，發文表示身體狀況好轉，並成立全新個人事務所「HZ Village」，籌備出道40周年紀念活動。雖然暫時未知有咩表演活動，但網友們得知元祖歌姬復出都大為興奮，「#明菜ちゃん」及「#中森明菜」等hashtag更成為日本Twitter熱搜冠軍。

日本著名歌手中森明菜於1982年正式出道，曾有21首單曲以及連續13張唱片專輯登上公信榜第一名，係80年代日本唱片銷量最高嘅偶像歌星。其中《禁區》、《駅》、《難破船》等代表作更改編成《第一次》、《裝飾的眼淚》以及《無人願愛我》等廣東金曲，由張國榮及梅艷芳演唱。