四年一度嘅世界盃今年將於卡塔爾展開，相信各位足球迷一定等到頸到長，絕對係萬二分期待吧！而除左準備要開始約波友「擔定櫈仔」睇波之外，珍藏級限定周邊產品 FIFA官方限量版 BE@RBRICK 亦於近日正式登場，如果你係潮物收藏家，同時又係足球狂熱Fans的括，佢就一定係你入手嘅目標。

為了迎接呢個全球足球盛事，香港品牌Penguin Toys 聯乘日本潮玩巨頭MEDICOM TOY製作左4款FIFA官方限量版 BE@RBRICK：「BE@RBRICK - FIFA WORLD CUP QATAR 2022™OFFICIAL LICENSED PRODUCT 」系列，由即日起於銅鑼灣時代廣場B1層全球首度展出，並可於網上登記進行抽選，比大家率先欣賞實物兼打卡！

「BE@RBRICK - FIFA WORLD CUP QATAR 2022™OFFICIAL LICENSED PRODUCT」系列有電鍍色及鉻白色兩隻顏色、共4組產品選擇。BE@RBRICK以一眾球員夢寐以求嘅冠軍金盃，以及卡塔爾國旗上嘅白色及褐紅色為設計概念，配上本屆世界盃大會Logo及當地傳統馬賽克圖案，電鍍色系兼備霸氣奢華，鉻白色則具現代簡潔感，都係值得珍藏嘅寶物！