任何對高達服飾有興趣嘅Fans，都一定對一向與不同品牌聯乘推出高達潮物啦嘅「STRICT-G」非常熟悉。唔覺唔覺「STRICT-G」原來已經踏入10週年。黎緊仲會喺旺角再開Pop Up店，除咗販售多款全新香港限定商品 ， 本季更與多個人氣品牌如EDWIN、SPINGLE MOVE、NEW ERA、MEI 以及SPALDING等聯乘推出限量商品！

《STRICT-G 10th Anniversary Pop-up Store @ Langham Place 》繼續使用一貫嘅工業風設計，。入口位置擺設為今次《STRICT-G 十週年》期間限定店而設計、以人氣角色沙煞比、ν高達及著名的小行星基地阿古捷斯圖案，並融入香港元素嘅霓虹燈招牌。呢個招牌亦會係今次推出嘅香港限定商品嘅主要設計。另外門口亦放置咗1.5米高嘅《STRICT-G × mastermind JAPAN》1.5米高 RX-78高達。

香港首發及限量商品

而與其他品牌嘅聯乘方面。首先有與著名牛仔褲品牌Edwin合作嘅牛仔褲，高達元素主要呈現於後袋繡飾、以及後腰嗁皮革腰牌。而新出嘅《機動戰士高達 庫克羅斯·德安之島》電影，亦與棒球帽品牌New Era、休閒鞋品牌SPINGLE MOVE以及背包品牌MEI推出聯乘作品，全部都係以電影中出現嘅服飾黎做藍本。

同時New Era、SPINGLE MOVE及MEI，亦分別以「傳統」嘅聯邦軍、自護軍為主題，推出一系列商品。

衣服方面，除咗STRICT-G自己推出，以場「ν高達」為主題嘅服飾會於香港率先發售，同場仲有與著名籃球品牌SPALING合作推出、色彩繽紛嘅街頭系服裝。

《STRICT-G 10th Anniversary Pop-up Store @ Langham Place 》將由9月15日起舉行至9月26日。於店內消費滿$1200，更可以得到一個免費Tote Bag，再於過往幾次Pop Up出現嘅香港限定圖案中，自己揀一個、自己揀位置印落個袋到。各位高達迷唔好錯過啦。