綠色科技相信一定係近年唔少大企業投入最多資料嘅地方，而作為世界最大運動品牌，Nike亦都無發慢腳步，近日佢地就推出一個創新平台Nike Forward。

Nike Forward 係研發團隊歷時5年多嘅創新成果。摒棄傳統針織或梭織工藝，通過減少步驟取代過往繁複製作流程：紡紗、編織、切割、縫製等，以針刺工藝將纖維直接變成紡織品；更精簡嘅工藝步驟意味住更少能源消耗，其碳排放量大幅少於Nike傳統起絨面料；在材料密度方面，Nike Forward亦相較傳統針織絨布更輕。此外，成品更採用部分再生材料製成。

Nike Forward 將以 Nike 經典人氣單品灰色連帽衫款式展開系列，可持續性原則理念將貫穿整件產品設計：捨棄傳統染色步驟，無裝飾配件，採用未加工剪裁嘅口袋；簡化過程中同時節省水資源。

Nike Forward 初代產品不設拉鍊、肩帶或額外裝飾，令服裝更容易回收。總括而言，Nike Forward 對於 Nike 為努力實現 2025 年影響力目標將起到關鍵性作用。