{ SKIP }
圖:互聯網
POSTED ON 03 Sep 2022

去年首次舉辦嘅「Red Bull Takeover」隊際虛擬跑步定向比賽,今年再度歸來,10月8日透過手機應用程式「Red Bull Takeover」,同兩位隊長楊文蔚及林德信一齊走訪香港島及九龍各區設置近三百個Checkpoints,透過跑步及各項體能挑戰收集積分,一同探索香港呢座著名嘅「石屎森林」化成巨型遊樂場!

「Red Bull Takeover」今年定於10月8日 (星期六) 上演,並由本港女子跳高紀錄保持者楊文蔚及歌手兼瑜伽高手林德信,分別以隊長身份率領紅隊及藍隊,進行各項挑戰。2019年楊文蔚因為右腳阿基里斯腱撕裂養傷近兩年。復出後佢漸入狀態,可惜今年6月又不幸觸傷左膝。楊文蔚表示:「面對傷患雖然好挫敗,但係作為運動員克服困難、障礙就係我地嘅本能。所以,很開心可以以隊長身份參加Red Bull Takeover賽事。」

而首次參加Red Bull Takeover便以隊長身份參賽嘅林德信就表示:「除左瑜伽,我亦都非常享受其他戶外活動,但甚少有機會走入一些市區微細街角。今次參與Red Bull Takeover,希望可以與一班人一起穿梭香港街道,有機會一齊發掘平時未必留意到嘅小事物,更可以一齊完成不同checkpoint挑戰。」 

「Red Bull Takeover」嘅參賽者在登記報名時,須選擇加入由楊文蔚或林德信率領嘅其中一支隊伍。比賽定於下午3時至6時舉行,參加者需於3個小時內透過手機應用程式「Red Bull Takeover」尋找Checkpoints進行各項挑戰、任務,累計總平均分最高嘅隊伍,將會成為冠軍。勝出隊伍嘅成員,以及個人積分排名最高嘅參賽者,將可獲得精美獎品。

「Red Bull Takeover」比賽區域內設有近三百個Checkpoints,參賽者可在Checkpoints及透過跑步距離獲取分數,賽事必須全程徒步進行,而手機應用程式「Red Bull Takeover」能計算選手不尋常嘅移動速度。此外,部份Checkpoints設有附加任務及獎勵分數,例如:體能挑戰、測驗、分數提升嘅功能及能量加油站。比賽時更要留意由兩位隊長楊文蔚及林德信設置嘅Checkpoint挑戰,以及隱藏Checkpoint,隨時可得到額外積分。

因此,賽前準備及行程計劃,將成為登上榜首嘅關鍵。參加者更可以用手機應用程式追蹤各自嘅即時比賽積分,與同隊隊員互動傳訊、保持聯絡,協助隊伍爭取更好成績,所以未到比賽最後一分鐘都唔會知道鹿死誰手!

由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024