曾幾何時，尖沙咀柏麗大咀充斥普通話，整條街與香港人幾乎毫無瓜葛，但近年疫情之下旅客大減，柏麗大道上專做遊客生意嘅店鋪退場，著眼推廣文化以至本地創作嘅店鋪反而有機會進駐呢個曾經嘅潮流之地。就好似9月17日開幕嘅FaDeLighT體驗館，就希望擺脫早年佔據香港嘅繁俗氣氛，成為融合藝術，潮流，音樂及生活品味嘅文化集中地。

「FaDeLighT」呢個睇落有啲奇怪嘅名，其實係集合咗「Future」、「Developing」、「Link」及「Talent」四個要素，夾埋一齊就係「希望透過提供平台及體驗館場地給予新一代年輕人，培育和發掘自己的興趣及天賦」咁解。

而實體店「FaDeLighT體驗館」共設有兩層，設有多個展廳，展示多款限量版的潮流物品及藝術收藏品。例如由Balenciaga與著名德國藝術家Nik Kosmas攜手打造，全球限量15座嘅虎年限定老虎機械擺設、全球限量發行20枚嘅Balenciaga Runner運動鞋手工雕塑、全球限量500隻嘅黑白[email protected] Sculpture、由DIOR與著名美國藝術家Daniel Arsham合作打造嘅當代藝術品 「Future Relics」、以及KAWS，Superme等眾多潮流收藏品。令大家更了解外國潮流文化。

場內亦設有多個「FaDeLighT打卡位」，同時會定期更換展覽品同打卡位，令大眾保持新鮮。10月時FaDeLighT體驗館亦會舉辦潮流玩物[email protected]的DIY工作坊及為支持本地創作而舉辦嘅手作精品市集。有關詳情將在FaDeLighT官方社交媒體平台上公佈。

除咗參觀之外，體驗館地下設有完善的音響系統、專業錄音室及表演舞台，能夠舉辦 Rapper show、DJ show、音樂歌唱表演等等，進一步為發掘有質素嘅本地創作者出一分力。9月17日開幕日亦會舉行特別活動，除咗豐富表演之外，仲有大家都可以參與嘅巨型扭蛋抽獎活動，當中嘅禮品包括DIOR時尚精品及多款Apple產品，大家記住留意下啦！

FaDeLighT體驗館：

地址：九龍尖沙咀柏麗大道1-4號

Facebook: https://www.facebook.com/fadelightofficial

Instagram: https://www.instagram.com/fadelight.official/