一眾機迷望穿秋水嘅《薩爾達傳說：曠野之息》續集終於有新消息！任天堂喺噚晚舉行嘅「Nintendo Direct」線上發布會正式敲定續作名為《薩爾達傳說：王國之淚》，預計2023年5月12日公開發售，唔知可唔可以超越前作嘅神級地位呢？

據官方介紹，《王國之淚》故事接續前作結局，講述主角林克同薩爾達公主打敗災厄加儂後，兩人展開全新冒險之旅，除咗有廣大的海拉魯大地，舞台仲會延伸到天空上嘅浮島。更多消息仍有待官方後續公布。

其實根據官方原定計劃，《王國之淚》本應喺今年推出，但為咗帶畀玩家與眾不同嘅遊戲體驗，團隊需要更多時間開發，決定延期到明年發售。