世界在變，日本寫真界亦都變緊，以往好多時係女星憑性感寫真獲得名氣後轉戰其他演藝工作，依家就越黎越多喺其他地方獲得名氣嘅女仔加入寫真界拍攝性感寫真。好似今晚要為大家介紹嘅呢位「尊みを感じて桜井」就係咁啦！

「尊みを感じて桜井」直譯係「感到榮幸的櫻井」，一睇就知呢個並唔係普通名，甚至唔係普通「藝名」，事關「尊みを感じて桜井」其實係Cosplayer出身，以一系列「將二次元角色召喚到三次元世界」嘅寫真而聞名，喺Twitter上收獲近40萬Fans。近來更獲著名少年雜誌《週刊Young Jump》邀請拍攝寫真，正式「出圈」進入大眾目光！

雖然Cosplayer嘅寫真都可以好性感，但為咗符合動漫人設，好多時都頗為濃妝沫艷，反而唔太睇得清模特兒本身個樣。但從《Young Jump》呢輯寫真就可以見到「尊みを感じて桜井」本身都係一個眉清目秀嘅美女，而且仲有幾分御姐感覺。大家又鍾意佢邊個樣多啲呢？