{ SKIP }
文:MenClub 魏文青  
POSTED ON 23 Nov 2022

日本品牌SNEXT旗下嘅耳機品牌final,曾於2020年與《Eva》合作推出真無線藍芽耳機,而近日就再接再勵,與《龍珠》合作推出三款新耳機!

當年嘅「EVA2020 x final」聯乘,就係用上搶眼嘅配色,加上原版動畫聲優所配嘅對白黎做語音提示,加上不錯嘅音色而大受歡迎,而新嘅「龍珠Z x final」聯乘,基本上都係同一概念。

整個系列總共有三款產品,包括分別以悟空及比達為主題嘅兩款FI-DBTW耳機,兩款均用上角色最具標誌性嘅服裝配色,而充電盒就係模仿撒亞人嘅飛船。兩款亦分別有日版動畫嘅配音野澤雅子及堀川亮音演嘅經典對白作為提示音,例如悟空款就黎無電線就會大叫「Kamehameha」。另外包裝盒就用上漫畫版中,悟空與比達首次對決時嘅彩繪,兩個都買哂就可以重現整個場景,大大提升對於Fans嘅吸引力。售價為19,800Yen。

而第三款就以final另一個品牌COTSUBU名義推出,主題就用上菲利大魔王嘅白色加紫色,同樣有日版聲優中尾隆聖嘅經典對白做提示音,當中包括「我的戰鬥力有53萬唷」。耳機售價為7,480Yen。另外特別值得一提嘅係,買咗菲利版嘅人仲可以參加抽獎,有機會得到全球限定53部嘅「金菲利」版本。

資料來源:final

因為三十幾年前喺7仔偷朱古力而耿耿於懷,最近Dwayne Johnson決定重返當年「犯罪現場」彌補過錯。
hobby
【彌補過錯】Dwayne Johnson公開少時偷竊黑歷史 重回「犯罪現場」掃清貨架贖罪
30 Nov 2022
大家讀書時或者都曾經食過童星點心麵,而雖然依家香港好似冇咩人會討論起呢款零食,但喺發源地日本佢就動作多多。繼早前與Reebok及atmos聯手推出鞋身印有點心麵嘅Classic Leather波鞋後,近日又再推出第二彈,而且係 ...
hobby
【日本】童星點心麵聯乘Reebok 推增量版波鞋
29 Nov 2022