{ SKIP }
文:MenClub 艾力克  
POSTED ON 24 Nov 2022

最近QT接受Podcast節目《2 Bears, 1 Cave》訪問時,提到當今缺乏電影明星要歸咎於「荷里活Marvel化」,認為Marvel電影雖然成功捧紅咗唔少演員,不過佢哋(演員)並非電影明星,美國隊長或雷神呢啲角色先係真正明星,並話自己唔係第一個提出呢種說法嘅人,之前亦有人表達過類似觀點。

QT強調自己並非貶低Marvel,只係陳述事實,仲話如果佢依家20幾歲嘅話,都一定會非常沉迷MCU電影。佢唯一有意見嘅係如今Marvel獨大,市場同片商都傾向類似MCU電影嘅作品,令其它類型電影無法立足。

此話一出,憑主演《尚氣》上位嘅劉思慕即時喺Twitter發文反擊:「如果電影產業守門人係昆頓塔倫天奴同馬田史高西斯(兩人都分別批評過Marvel電影),咁我永遠都冇機會主演一部超過4億美元票房嘅電影。我對佢哋才華感到敬佩,佢哋亦係超凡嘅導演,但唔能夠對我或其他人嗤之以鼻。」

劉思慕亦趁機批評過往荷里活太過白人至人:「我好自豪能夠同一間願意增加銀幕多樣性嘅公司合作,Marvel創造嘅超級英雄激勵及鼓勵世界各地人們。我都鍾意荷里活嘅『黃金時代』(上世紀30-50年代)...之不過『白』咗啲囉。」

有趣嘅係,五年前「新美國隊長」Anthony Mackie亦發表過類似QT嘅睇法,指出觀眾以入戲院係為咗睇Tom Cruise、Will Smith史泰龍,依家變成為咗睇X-Men等超級英雄。

資料來源:THRvariety
如果依家你有套戲想睇,你嘅第一反應可能唔係睇下戲院仲有無上、DVD出咗未,而係上網串流平台有無提供。反正依家有咁多個平台,總有一個會解決你問題吧?對於唔少人黎講,呢個改變可能屬於「方便」嘅範疇,不過HBO M ...
hobby
【影視】HBO總裁指太多串流平台混淆觀眾 然後宣佈未來加價及打擊帳戶共享
12 Sep 2025
Glen Powell表示,Chris Pratt在《Guardians of the Galaxy(銀河守護隊)》嘅演出,改善咗荷里活男主角必須嚴肅或陰沉嘅形象,令業界開始接受男主角帶點俏皮同輕浮嘅態度,間接幫佢開闢咗成為電影明星嘅道路。 ...
hobby
【影視】Glen Powell大讚Chris Pratt「星爵」改變了荷里活男主角形像:不再陰沉嚴肅,可以輕浮俏皮
11 Sep 2025