原名Kayne West嘅美國著名歌手、設計師Ye West，除咗近來因為反猶太人言論而被口誅筆伐之外，私人生活上佢亦要處理與名媛前妻Kim Kadarshian嘅離婚官司。而昨日當地法庭就正式宣佈雙方達成離婚協議，協議中最搶眼嘅，就係Ye West往後要為四名子女提供每個合共20萬美金，即約港紙160萬嘅撫養費。

圖片：Wikicommon

Ye West同Kim Kadarshian離婚一事，一如過往發生於佢哋兩個人身上嘅所有事，都係充滿各種八卦，在此就唔一一細數。反正二人於2012年4月、Kim Kadarshian尚未與前夫正式離婚時就開始交往，然後於2014年5月正式結婚，婚後二人育有4名分別為9歲、6歲、4歲及3歲嘅子女。

到去年2月，Kim Kadarshian向美國法院入紙申請離婚，二人亦協議唔會向對方要求贍養費，並會共同承擔四名子女嘅撫養權。法庭於今年3月宣佈Kim Kadarshian於法律上回復單物，到日前整單離婚官司就以二人成功達成協議而結束。而協議中就表明，Ye West會為四名子女提供每月20萬美金嘅撫養費，而有關子女們嘅其他支出，包括讀書、保安等，就由Ye West 及 Kim Kadrashian共同分擔。

值得一提嘅係，雖然法庭文件寫明四名嘅子女嘅撫養權為Ye West及Kim Kadarshian「平分」，但Ye West九月時曾於一個Podcast節目中透露，Kim Kadarshian「佔據」咗子女們80%嘅時間，換言之Ye West見到子女嘅時間係非常少。

但又話分兩頭，Ye West及Kim Kadarshian兩個人行事都頗為奇特，難以用常理去推斷究竟係Ye West見唔到啲仔女、定係唔想見啲仔女；同時對於佢哋嘅身家而言，每個月20萬美金可能真係九牛一毛。只能講係貧窮限制咗我哋嘅想像啦。

資料來源：Indy100