據外媒《Deadline》報導，憑《斷背山》及《少年Pi的奇幻漂流》兩奪奧斯卡最佳導演嘅李安，將聯同兒子李淳籌拍全新李小龍傳記電影，並根據香港導演羅啟銳及張婉婷之前所寫嘅李小龍傳劇本改編，由美國編劇Dan Futterman執筆，李小龍女兒李香凝亦會擔任本片監製，Sony影業子公司3000 Pictures負責製作及發行。

李安受訪時提到：「李小龍並非完全美國人，亦非完全是中國人，佢是連接東方與西方嘅橋樑，並將中國功夫介紹畀全世界。佢係一位格鬥界科學家以及具標誌性嘅表演藝術家，徹底改變武術及動作類型電影。佢135磅嘅身軀中蘊藏著巨大力量，並透過不斷努力，最終令不可能嘅夢想變成現實。」

據報導，現年32歲嘅李淳為演好李小龍一角，已經祕密訓練廣東話及武術三年，前早亦憑《智齒》入圍第59屆金馬獎最佳男配角獎提名，唔知佢會點樣演繹呢位一代武打巨星呢？

李淳於《智齒》飾演斬哥(林家棟)跟班任凱。