千両嘅壽司出色，相信唔少人都知道，咁究竟點解佢哋一班職人級師傅可以持續推新出新呢? 我諗係其中一個原因就係每年千両都會舉辦嘅職人比賽。

千両職人比賽讓一衆師傅互相切磋技藝，最後以創意、味道及賣相作爲評分標準。而近日全新推出嘅「職人壽司」系列將會呈獻其中三位職人嘅得獎作品，你將可以體驗職人級創意帶來嘅味覺享受。

三位千両職人之代表作

第一位是經驗資深嘅基師傅，入行30多年，至今已在千両工作15年。其代表作有：真鯛胡麻醬油漬壽司、吞拿魚手鞠壽司及墨魚配明太子壽司。季節時令是毎一位料理職人都會著重嘅概念，基師傅特別選用自己最喜愛嘅時令真鯛製成真鯛胡麻醬油漬壽司。真鯛被喻爲日本嘅吉祥魚，大受食客歡迎，今次特別以兩切真鯛製作而成，外觀更爲吸引。

第二位係同樣喺千両工作逾十年嘅榮師傅，入行17年間曾做過不同風格日菜如「廚師發辦」和居酒屋，常言「料理是一門藝術」。故此，榮師傅喺料理不同風格嘅日本菜時，定位皆不同，重視食材嘅處理方法及品質。其代表作有真鯛配鮟鱇魚肝壽司及大吞拿魚腩配吞拿魚蓉壽司，以自己對日本菜嘅知識，研究出最滿意嘅味道及外觀。其中大吞拿魚腩配吞拿魚蓉壽司外觀呈隧道形，賣相吸引而更具立體感，再以其精湛的刀工在大吞拿魚腩上界花，入口即溶，回味無窮。

第三位則係入行14年及具有豐富日本菜經驗嘅威師傅，日式料理精緻嘅的外觀成爲威師傅入行嘅其中一個原因。威師傅在千両工作4年，其代表作有馬糞海膽配甜蝦壽司，鮮甜嘅甜蝦配上口感豐膄嘅海膽，絕對係天衣無縫嘅配搭，味道極為濃郁。

喜歡創意壽司嘅你，絕對值得一試!