{ SKIP }
文:MenClub 艾力克  圖:互聯網
POSTED ON 16 Jan 2023

《新・福音戰士劇場版:||》將於1月20日上架中國各大影視平台,中國官方日前特意推出中國版電影海報,但有眼利嘅網民就發現張海報涉嫌抄襲,結果工作室火速道歉並承諾賠償授權費。

(圖片截自:Bilibili@NEO瑪麗)

《新世紀福音戰士》官方微博日前貼出一張中國限定版《新・福音戰士劇場版:||》海報,但唔夠兩日就有網民發現該海報涉嫌抄襲法國插畫家Nico Delort 2013年作品《Where the wild things are》,同樣以黑白色調呈現,而且天空中嘅烏雲及彎月等元素更可以話係「copy and paste」,紋理完全相同,只係差在亮度及對比度。

隨住愈嚟愈多網民留言聲討,有人甚至喺Twitter直接向Nico Delort「告狀」,得到嘅回覆係:「我冇授權喎」。而日本官方亦發聲明割席,表示從未參與中國版海報製作。抵唔住群眾壓力嘅中國官方隨即將海報下架,並表示已聯繫海報設計師黃海了解詳情。

最終負責中國版海報設計嘅竹也文化工作室發聲明公開道歉,承認設計過程中確實存在素材使用不當、未經海外畫師授權、團隊內部把關不嚴,目前已積極聯絡該畫師,支付相應經濟損失及素材授權費。

資料來源:ithome
講起「性侵」,絕大多數人腦中出現嘅,都係男性侵犯女性嘅畫面,甚至唔少人會覺得男性一來身體力強唔可能被逼,二來大概本身就唔抗拒唔算「被逼」,所以根本就唔可能成為「受害者」。但其實男性被女性性侵嘅情況,可 ...
hobby
【兩性】71%英國男性曾被性侵 33%被女性「心理脅逼」
23 Feb 2024
希望Tom Cruise能夠憑呢部作品贏得人生首座奧斯卡!
hobby
【影視】Tom Cruise將主演《飛鳥俠》《復仇勇者》金像大導新作
23 Feb 2024