HBO人氣劇集《The Last of Us》第一季昨日正式大結局，吸引近820萬觀眾收看，創下全季最高收視紀錄，唔知大家睇咗未呢？最近主創Craig Mazin就透露第二季劇集唔會跟足原作，但冇講明會否保留「喬爾夫球」情節。

最近Craig Mazin接受《ComicBook.com》訪問時坦言對第二季改編工作感到非常焦慮，表示觀眾所擔心嘅事同佢所擔心嘅事一樣，強調第二季唔會跟足原作：「第二季嘅改編幅度就好似第一季咁，有時候唔跟原作，有時候又完全相同，將會係獨一無二嘅存在。」但就冇具體透露會作出那些更動，只係表示：「將會係我同Neil Druckmann(原作編劇)都想要嘅效果。」

除此之外，創作團隊亦表示《The Last of Us Part II》故事無辦法用一季劇集拍完，換言之至少會拍到第三季。而且就算《The Last of Us Part II》時空背景同第一集相差5年，佢哋亦唔會考慮換走Ellie演員。