{ SKIP }
文:MenClub 艾力克  
POSTED ON 20 Mar 2023

迪士尼真人版《雪姑七友》女主角Rachel Zegler近日出席電影首映會時,因為拒絕與中國網紅合照而捲入「辱華」爭議,慘被中國網民出征炮轟。對於海量負評,Rachel Zegler唔單只企硬拒絕道歉,仲舉中指還擊...

最近中國網紅「孫老奶駕到」上傳一段自拍短片,聲稱自己於《Shazam!Fury of the Gods(沙贊!眾神之怒)》首映會上邀請Rachel Zegler合照時,被對方一臉嫌棄以休息為由拒絕,拉一拉起條裙就走開,搞到佢非常不爽,認為對方將自己當成一個猥瑣大叔或流浪漢。其後走到遠處拎起電話拍抖音時,又被Rachel Zegler助手上前阻止,更威脅佢如果再拍就要趕佢離場。該名網紅解釋,首映會上係有權影相,而Rachel Zegler事後亦有同其他媒體大佬交流及合照,認為自己被針對同歧視。

該名網紅亦表示,由於Rachel Zegler態度令佢自尊受創,就算後來見到偶像Zachary Levi都唔敢上前要求合照,亦冇心情睇完整部電影。順帶一提,該名網紅亦帶歧視地於片中以「黑雪公主」稱呼擁有拉丁裔血統嘅Rachel Zegler。

影片曝光後,唔少中國網民都為該名網紅「抱打不平」,集體湧到Rachel Zegler Instagram出征,以簡體字留言狂鬧「左眼到右眼打車費200」、「不會以為中國人上不了外網咖?牆是保護你們的,真打開了你們才知道什麼叫網暴。」、「屄養的,我要讓你知道知道什麼叫中國網友」、「我覺得你慢慢刪中文評論,反正中國人不會看你拍的電影,你真覺得自己很高貴嗎?」、「不是趕上美國政治正確你給你糖爹洗一輩子皮炎也演不上主角,你真當自己是根雞毛了,向性少數群體道歉!向中國人道歉!向亞洲人道歉!」、「是不是演白雪公主以為自己白了」。



對於中國網民排山倒海嘅負評,Rachel Zegler唔單只企硬唔道歉,仲貼出一張舉中指照片反擊,表示:「respect women today(and everyday)」。事情仍不斷發酵中,更一度登上微博熱搜,唔知會點收科呢?



巴裔美國演員兼棟篤笑表演者Kumail Nanjiani日前在Podcast節目透露,當年佢答應出演《永恆族(Eternals)》超級英雄「金戈(Kingo)」時,就同Marvel簽咗6部電影合約,並以為會係自己未來10年嘅事業重心。點知電影上 ...
hobby
【MCU】《永恆族》失利前已簽6部Marvel電影 Kumail Nanjiani:還以為會是我未來10年的工作
25 Aug 2025
據《Bloomberg》記者Mark Gurman爆料,Apple正考慮為即將發布嘅iPhone 17 Air推出一款全新手機殼,設計類似iPhone 4時期嘅bumper case。呢款手機殼只會包住機身邊框,旨在提供基本保護嘅同時,唔會太影響手機嘅輕薄 ...
hobby
【科技】Apple正考慮為iPhone 17 Air推出邊框手機殼 類似iPhone 4的bumper case
25 Aug 2025