Tyson Yoshi老早就講過自己係三上悠亞嘅Fans，唔單止出錢抽「有毛」嘅閃卡，又曾於IG大曬三上悠亞署名畀佢嘅月曆，今日公開嘅新歌《be mine》更搵埋三上悠亞做女主角，真真正正嘅同框演出。

其實Tyson Yoshi早於去年1月就已經於另一個訪問中，透露有首歌嘅故仔非常適合三上悠亞出演。當時佢話首歌個靈感來自一位被痴情追求者跟蹤四年嘅台灣女性友人，不過故事就係由「變態嗰方面」出發。據報Tyson Yoshi為咗成功邀請三上悠亞，不單止用咗超長時間同日本方面接洽，更推遲埋個人大碟《2nd》嘅發佈日以遷就製作日程。

在 Instagram 查看這則貼文

Tyson Yoshi（@tysonyoshi）分享的貼文

《be mine》MV由Tyson Yoshi與TRAVIS GOOD共同製作，並遠赴日本東京進行拍攝。除咗同三上悠亞有攬頭攬髻嘅場面之外，Tyson Yoshi更於河口湖吊威也拍攝。MV預計於今晚8點公開。