3月時我哋就同大家報導過，日漫出版社集英社，似乎有意進軍目前由韓國主導嘅「條漫」市場。而昨日佢哋就正式推出條漫平台《Jump Toon》，除咗開設官方Twitter以及專用App之外，更舉行首次「條漫」徵選，冠軍將會獲得連載合約以及100萬Yen獎金。

「第1回ジャンプTOON AWARD」を開催します！

縦読みマンガサービス「ジャンプTOON」投稿作品を大募集????
大賞は連載確約&賞金100万円！
編集長 浅田貴典からのメッセージも是非ご覧下さい！https://t.co/HjZtfkpItF#ジャンプTOON #漫画賞

— ジャンプTOON (@jumptoon_offl) May 30, 2023

集英社官網亦於昨日刊出《Jump Toon》總編輯淺田貴典嘅訪問。當中佢提到「條漫」目前雖然係韓國主導，但有部份日本漫畫家都開始創作「專為手機閱讀而設」嘅條漫，例如於日本「Line」上連載嘅《氷の城壁》，以及「少年Jump+」線上連載嘅《大巨人》等，反應仲非常唔錯。所以佢哋認為目前係進入條漫市場嘅「適當時間」。同時佢亦提到，目前日本整個「電子漫畫」市場規模大約為4500億Yen，而當中500至600億Yen就係條漫市場，所以條漫於日本係一個非常有增長力嘅年輕市場，出身於紙本連載嘅佢亦對條漫市場嘅發展感到相當興奮。

圖片：Shueisha

同時佢亦提到，雖然新平台冠上「Jump」之名，但《Jump Toon》上嘅作品並不限於「男性主角+特殊能力戰鬥」嘅題材，只要係「有個性的作品」，不論面對男性、女性定小朋友市場嘅條漫，都有機會登上《Jump Toon》。

資料來源：Shueisha