早前《The Flash》嘅外國傳媒評價出爐，似乎好有希望成為DC近年黎最好睇嘅電影，更可能憑「重啟」劇情將整個DC宇宙拉回正軌。相信一眾DC迷都相當期待！咁期待之餘仲可以做啲咩？Hot Toys就將於6月7日起，與太古城中心合作舉行「閃電俠．神速閃現」主題展覽，展出大量閃電俠與DC電影相關場景、雕像及產品，大家可以當係入場前嘅熱身活動！

展覽主要於太古城中心二樓中庭及中橋舉行，當中最搶眼嘅，就係仿照閃電俠於電影中以神速穿越蝙蝠俠基地以回到過去嘅一幕而成嘅閃光隧道。當中主角當然就係1:1大小兼有LED燈效嘅閃電俠Barry Allen本人，亦係展覽中最重要嘅打卡位之一。另一邊廂，Hot Toys亦展出蝙蝠俠嘅武器格納庫，當中收藏7套1:1大細嘅道具級蝙蝠俠歷化戰衣，配合光影特效將電影場景呈現於眼前。據知場內仲有隱藏《The Flash》資訊嘅大型概念圖，值得大家花時間探索。

既然個展覽係Hot Toys搞嘅，當然亦唔少得Hot Toys出嘅產品。當中就包括會於《The Flash》出現嘅1:6人偶及載具，等大家率先欣賞電影中嘅新造形。同時適逢華納兄弟100周年，所以除咗另外8組1:6 /1:12比例蝙蝠俠載具之外，Hot Toys亦挑選逾40個Hot Toys 1:6比例珍藏人偶，細訴華納兄弟100周年的經典影視與電玩作品。另外亦會國際知名插畫家聯乘的《蝙蝠俠》商品首次於展會上曝光。

另外場內亦有測試大家反應速度及身體協調能力嘅「電光快拍 互動感官訓練牆」，只要達到指定分數，再追蹤hottoyshk Instagram，即可獲閃電俠貼紙乙張；於指定日子，參加挑戰並出示電影《閃電俠》MOViE MOViE Cityplaza即日電影門票及追蹤Cityplaza Instagram，更可換領COSBABY匙扣乙個。

太古城中心 ｘ Hot Toys 「 閃電俠．神速閃現」詳情及期間限定店

日期： 2023年6月9日至7月9日

時間： 星期一至五：中午12時至晚上9時

星期六、日及公眾假期：上午11時至晚上9時

地點： 太古城中心二樓中庭及中橋