Elon Musk及Mark Zuckerberg兩大億萬富豪日前隔空互打嘴炮，並相約展開一場「鐵籠格鬥」，引起全球網民「食花生」不斷叫好。咁究竟係咪會打得成？UFC主席就表示同兩人通完電後，發現雙方都非常認真。

（圖片截自：Twitter@HappyPunchPromo）

綜合外媒報導，Elon Musk同Mark Zuckerberg上個禮拜打完嘴炮後，UFC主席Dana White就同兩位傾咗成個半鐘電話，結論係兩位富豪都對格鬥一事非常認真。Dana White表示Zuckerberg率先詢問：「佢（指Elon Musk）係咪認真㗎？」，而Elon Musk則回應：「無錯，我係非常認真（dead serious）。」

Are Mark Zuckerberg & Elon Musk REALLY gonna fight each other?! It seems like they're serious and @danawhite came on TMZ Live to talk about what would be the biggest fight in the history of the world: pic.twitter.com/r7gjk76GhL

— TMZ Live (@TMZLive) June 23, 2023

Dana White表示自己已經安排緊呢場決鬥，目前正處於「早期階段」，並預計今次賽事將會係史上規模最大嘅決鬥，比過往任何賽事都激烈，將打破所有按次收視付費記錄，期望賽事能為慈善事業籌得數億美元。更預計兩位富豪對決所創造嘅銷售額（現場門票、按次收費直播、贊助及博彩），將會係2017年Floyd Mayweather v.s. Conor McGregor嘅三倍，即超過18億美元。

Man fuck Mark Zuckerberg.. Dirty communist.... No one wants your goggles and your disinformation censorship but.... Facebook market gets a pass....@elonmusk come to Vegas. We will put in work!

— Sean Strickland (@SStricklandMMA) June 22, 2023

@elonmusk lmk we get some work in ????????

— BMF.eth (@GamebredFighter) June 22, 2023

另一方面，Elon Musk於周六（24日）透過Twitter接受Bloomberg記者Ashlee Vance訪問時亦認為決鬥「有可能會發生（Might Actually Happen）」。當被問到如何準備賽事時，Elon Musk就坦言：「我仲未開始訓練，如果真係打得成，我將會展開訓練，會按需求而投入時間。」事實上，自從Elon Musk公開「挑機」Mark Zuckerberg後，就有唔少著名格鬥家表示願意提供訓練，其中包括UFC中量級排名第7嘅Sean Strickland以及UFC名宿Jorge Masvidal。

（圖片截自：Twitter@HappyPunchPromo）

雖然Elon Musk身高同體形上有絕對優勢，並宣稱自己有招名為「海象」嘅必殺技，能夠壓住對手直接躺贏，但佢同時自認除咗將阿仔拋上空中再接返之外，幾乎從不健身。相反，Mark Zuckerberg唔單只接受過MMA訓練，最近仲喺巴西柔術比賽奪得一金一銀成績，相信真係打嘅話，戰況將會一面倒。

Here's a highlight video of Mark Zuckerberg and I training jiu jitsu. I look forward to training with @elonmusk as well. It's inspiring to see both Elon and Mark taking on the martial arts journey. See the full video here: https://t.co/G1ubUuxILK pic.twitter.com/WsLaRiFf1o

— Lex Fridman (@lexfridman) June 25, 2023