最近一部名為《山道猴子的一生》嘅動畫喺台灣引起網民熱烈討論，上下兩集共吸引超過200萬次觀看。故事內容以電單車及跑山為主題，講述一位年輕人喺玩車過程中逐漸迷失自我，面臨友情破裂、愛情失意及欠債等問題，令唔少車迷不禁直呼「太過真實！」，更希望故事能夠翻拍成真人版電影。

《山道猴子的一生》由台灣YouTuber「Eric Duan」製作，結合網絡用語「猴子」（類似屁孩嘅意思）以及各種Meme表情貼圖，分別上下兩集共65分鐘。故事講述一名喺便利店打工嘅年輕人，因為熱衷電單車及山道競速，不顧車商話術及財務風險，買入一部二手電單車並進行大量改裝，隨住IG上嘅Fans逐漸增加，佢亦變得狂妄自大。

後來，男主角識咗一位女仔，受對方花言巧語及虛榮心影響，而多次自掏腰包，甚至借錢為對方買車同改車，點知個女仔暗地偷食，最終慘變「人肉ATM」。由於前女友借錢唔還，並發現自己部電單車被上手改到亂七八糟，男主角陷入不斷整車、改車、借錢嘅無限輪迴。即使結識新女朋友，都因為前女友背叛嘅經歷而令佢疑神疑鬼，並因此傷害咗新女朋友，與此同時，昔日嘅兄弟亦都逐漸疏遠佢。最終，男主角喺一次山道競速中，因為逞強而意外身亡。

由於情節非常寫實，早喺上集推出時已經引起大量網民討論，日前所推出嘅下集，更喺短短兩日間吸引近100萬次觀看。有網民更為片中每個角色開設IG，進行各種符合人設嘅互動。

View this post on Instagram

A post shared by ATom (@zx10r_boy_1997)

View this post on Instagram

A post shared by @nanshe_______88