{ SKIP }
文:MenClub 艾力克  
POSTED ON 21 Aug 2023

唔知大家有冇印象,我哋上個月介紹過一位日本偶像叫「藤咲凪」,因為太過靚女而被網民質疑係AI假相,結果要親身出席電視節目以證清白。估唔到嘅係,佢最近突然公開自己係單親媽媽,隨即引起網民熱烈討論,不禁直呼現實版《我推的孩子》。

「藤咲凪」日前出席電視節目《サンデー・ジャポン》,突然自爆自己係單親媽媽,分別有一名3歲同一名1歲嘅女兒,並喺節目上公開同兩位小朋友嘅生活片段,例如孭住阿女煮飯、同佢哋一齊食飯、氹阿女瞓覺等等,令節目主持人及嘉賓都當堂O晒嘴,同時喺網上引起熱烈討論。唔少網民都認為佢嘅經歷簡直係現實版《我推的孩子》,「リアル推しの子(現實版我推的孩子)」一詞更一度登上日本X熱搜。

事後「藤咲凪」於X發文,表示近幾年嘅生活好似坐過山車咁起伏不定,有機會嘅話好樂意同大家分享返自己嘅故事,並坦言曾經想一直隱瞞落去,但因為有匿名人士留言公開女兒名字,同時出街時被偷拍,令佢感到非常困擾,所以決定自行公開此事,仲話講完出嚟成個人都鬆咗唔少,同時感激依然支持同愛護佢嘅Fans,未來會以母親及偶像身分繼續努力。

資料來源:livedoornews
由Dakota Johnson、Sydney Sweeney、Isabela Merced主演嘅《Madame Web(蜘蛛夫人)》在去年上映後,票房同口碑雙雙仆直,花費高達8,000萬美元製作但全球票房僅收1億,而喺「爛番茄」上更只有11%新鮮度及53%影迷評分 ...
hobby
【影視】Dakota Johnson將《蜘蛛夫人》失敗歸咎於電影公司高層:這不是我的錯
07 Jun 2025
1 LEGO在年初宣布與Netflix真人版《ONE PIECE》合作後,雙方Fans都期待萬分。如今官方終於一口氣推出5款聯乘積木模型,重現「東海篇」多個著名場景。有梅利號,又有海上餐廳芭拉蒂,今次LEGO迷同ONE PIECE迷都 ...
hobby
【玩物】LEGO x《ONE PIECE》推出5款聯乘模型!積木版梅利號正式登場
06 Jun 2025