{ SKIP }
文:MenClub 魏文青  
POSTED ON 08 Sep 2023

話說日本《龍珠》嘅官方X (Twitter)自今年3月起,就突然推出咗一個「抽獎企劃」,簡單講就係即係佢哋將《龍珠》入面出現過嘅角色配件、衣服1:1實體化,並作為抽獎獎品送畀網民。過往佢哋就曾經送出悟飯變身成「撒亞幪面超人」後個頭盔、以及撒旦先生嘅全套戰鬥道服加冠軍腰帶。而最新宣佈會推出嘅,就係「杜拉格斯把劍」!

日本《龍珠》官方X於5月時宣佈,會於本來嘅抽獎活動上再搞個「神龍許願」活動,即係容許網民提議下一件官方實體化產品,結果近日就公佈獲選提案為「杜拉格斯把劍」。原作中,(未來)杜拉格斯首次出場時就已經揹住把劍,並用佢將科技重生後嘅菲利斬成碎片。其後於劇場版《龍拳爆發》中,就透露把劍原本屬於南銀河系勇者「達比安 (塔比安)」,故事尾聲佢將把劍送咗畀杜拉格斯,從此就成為其配劍。

目前日本《龍珠》未公佈把劍嘅實際大小及物料,但從過往獎品黎睇,好可能都係以1:1比例重現。官方亦講明把劍會連鞘附送。

另外日本《龍珠》官方亦有幾年已經公佈、但未開始抽獎嘅獎品。當中包括《斯路篇》中悟空從精神時光屋出黎之後著嘅黑橙色皮褸、笛子魔童標誌性嘅肩甲連斗篷,以及個人最感興趣嘅「菲利軍團飛船」貓窩。

1 LEGO在年初宣布與Netflix真人版《ONE PIECE》合作後,雙方Fans都期待萬分。如今官方終於一口氣推出5款聯乘積木模型,重現「東海篇」多個著名場景。有梅利號,又有海上餐廳芭拉蒂,今次LEGO迷同ONE PIECE迷都 ...
hobby
【玩物】LEGO x《ONE PIECE》推出5款聯乘模型!積木版梅利號正式登場
06 Jun 2025
任天堂新主機Switch 2昨日正式開賣,全球各地機迷紛紛到舖頭排隊搶購新機,希望盡快體驗新遊戲嘅樂趣。不過,美國卻爆出一場銷售災難,有唔少喺GameStop預購新機嘅玩家投訴,由於店員用釘書機將收據直接釘喺包裝盒上 ...
hobby
【電玩】美國玩家滿心歡喜領取Switch 2 螢幕卻被零售店用釘書機「釘」出兩個小洞
06 Jun 2025