韓風當道，近年唔少女仔嘅夢想就係去韓國受訓然後出道。但其實韓國偶像唔易做，唔少人都要經過數以年計日練夜練嘅「練習生」生涯，先有出道機會，更唔好提好多人因為種種理由半途離開。相比之下，日本偶像好似就容易做啲，好似本身就係偶像嘅「西村歩乃果」就曾經講過，自己唔減肥、唔練舞，淨係負責可愛就得啦！咁今日就同大家睇下佢有幾可愛！

現年28歲嘅「西村歩乃果」本身係一個髮型師，仲曾經跟過藝人去做巡迴演出，但後來有相關人士覺得佢可愛成咁做幕後太可惜，於是就鼓勵佢去參加選秀節目《Last Idol》，雖然最後冇奪冠，但就同其他落選者組成「Love Cocchi」於2017年出道。或者係因為自己半途出家，所以「西村歩乃果」對於偶像嘅睇法有啲唔同，兩年前佢上電視節目就曾經講過，韓國偶像要唱得跳得，甚至可能會識做埋戲，對佢黎講太辛苦。佢更大爆自己唔減肥、唔會每日跳舞，認為自己只要負責可愛就得啦。

雖然佢咁講，似乎真係有啲「不負責任」。但相信大家睇完佢啲寫真，都真係不能否認佢的確係非常可愛，而且身材亦頗為有料，應大則大、應細則細，真係男女老幼都想擁有。其實如果佢真係完全唔Keep fit都可以有呢個身材，某程度可能比起唱得跳得更加罕有。

IG：honoka.n28