{ SKIP }
文:MenClub 魏文青  
POSTED ON 12 Sep 2023

面對開發成本上漲,遊戲開發商過去幾年一直放風想提高3A大作嘅售價。而自從去年2K Games率先宣佈由原本嘅59.99美金加價到69.99美金後,其他廠商亦紛紛仿傚,例如《God of War: Ragnarok》、《Hogwarts Legacy》等通通都賣69.99美金。但睇黎對部份遊戲廠商黎講,加十蚊美金依然不足以回收開發成本。好似近日就有網絡傳聞指Rockstars嘅《GTA 6》將會賣到150美金,即係近千二銀港紙!

話說本月初時有一堆關於《GTA 6》嘅「情報」於網上流出,而「情報」中就有指Rockstar會將《GTA 6》定價為150美金。據估計自2014年起,Rockstars用咗大約20億美金去開發《GTA 6》,比起其他近年嘅「普通3A大作」開發成本大約貴一倍,而比起5-6年前開發一隻3A大作「只需」1億至1.5億美金更貴咗十幾二十倍。

2021年5月,Rockstars母公司Take-Two曾表示《GTA V》嘅全球、全平台銷量達到1.45億套。就算用「原價」59.99美金去計,收入其實都只係87億美金左右。仲未計遊戲推出後多次減價,目前「正價」只需39.99美金,遇到優惠更可以平到9.99美金。換言之遊戲銷售總收入一定低過87億美金。咁睇黎《GTA 6》加價似乎亦非常合理。

要價300美金嘅《Starfield》Constellation Edition

值得留意嘅係,呢個「150美金」傳聞真係一個「傳聞」,目前冇任何其他文字、錄音證據能夠佐證,所以未能確定《GTA 6》是否會大幅加價。同時,「150美金一隻Game」其實亦唔係新鮮事,過往就有唔少遊戲出過附送各種週邊、福利嘅「豪華版」、「終極版」、「典藏版」,例如Bethesda推出嘅最新遊戲《Starfield》,就有個送智能手錶、精美手提行李箱、鋼製遊戲盒以及遊戲內福利嘅「Constellation Edition」要價300美金,但一眾Fans都買得非常開心。所以即使傳聞屬實,Rockstars內部亦可能只係講緊某個賣150美金嘅特別版本。

更重要嘅係,目前《GTA 6》未有正式推出日期,當然亦未公佈售價。所以一切都係等官方公佈後再討論啦。

資料來源:nichegamer

各位爸爸們有咩貼士畀呢位準爸爸?
hobby
【影視】「超人」Henry Cavill準備做爸爸 父親節請教網民湊仔經
17 Jun 2024
由James Cameron執導,Leonardo DiCaprio與Kate Winslet主演《鐵達尼號》(Titanic)可謂一代經典愛情電影,即使上映至今20多年,淒美動人嘅情節依然歷久常新。不過,最近Kate Winslet就大爆浪漫場面背後其實非常尷 ...
hobby
【影視】Kate Winslet爆《鐵達尼號》甲板之吻背後辛酸:好似食緊朱古力棒
17 Jun 2024