近期Netflix真人版《ONE PIECE》於全球掀起一股海賊熱潮，除咗討論角色及劇情還原度外，劇中嘅寫真版電話蟲亦令人印象深刻。最近Netflix就聯同玩具生產商ToyQube合作，推出電話蟲造型錢罌。

據官方介紹，呢款錢罌係參照卡普（Garp）所用嘅電話蟲，採用高品質樹脂製作而成，整體尺寸為8 x 3.5 x 5.5英寸，殼上塗有海軍軍服配色嘅藍白條紋，並還原卡普嘅白色鬍鬚。目前已於Netflix官方網店開放預購，售價為HK$645，預計11月初發貨。