為慶祝「GUNDAM BUILD系列」（高達創戰者）播出10周年，官方推出紀念動畫《GUNDAM BUILD METAVERSE》（高達創戰元宇宙），總共有3集，首集將於10月6日率先喺官方YouTube頻道「GUNDAM.INFO」播出，其後2集則於10月20日上線。

《GUNDAM BUILD METAVERSE》以元宇宙世界為背景，玩家能夠透過虛擬化身喺入面創建高達模型，同其他玩家交流以及進行GUNPLA對戰。故事講述主角北條利央喺現實中從高達模型老師烏露捷琪・西利亞學習組裝GUNPLA，並於元宇宙世界受面具女士指導學習對戰技巧，從而駕駛自己原創嘅「太陽高達」挑戰各路好手，期間更遇上歷代GUNDAM BUILD系列主角。