日本高級連鎖酒店集團「星野 (Hoshino)」享負盛名，唔少人去日本旅行時甚至會追住星野集團嘅酒店黎住。而集團近日就表示，會將2017年停運嘅「舊奈良監獄」改建成高級酒店，預計於2026年落成，其中犯人們住嘅監倉將會改建成客房，唔知各位又有冇興趣入住呢？

舊奈良監獄位於奈良市般若寺町，原於1909年啟用，是日本明治年化建立嘅「五大監獄」之一。整體建築採用非常搶眼、由服役犯人親手燒製嘅紅磚，監倉部份亦採用放射型設計。監獄於1946年改為少年刑務所，再於2017年因抗震性不足而停用，隨即被列為日本「重要文化財」，作為歷史建築被保留。

預計改建後嘅模樣

而星野集團近日就宣佈，會將舊奈良監獄改建為高級酒店「星野奈良監獄 (Hoshinoya Nara Prison)」，並保留絕大部原建築。五棟以放射型佈置嘅監倉中，會有四棟改建成48個客房，剩餘一棟就會改建成舊奈良監獄博物館，並開放予非住客參觀。酒店預計於2026年春天落成啟用，到時如果大家會去奈良旅行的話，或者可以嘗試入住啦。

資料來源：PRTIMES