LEGO與任天堂攜手合作嘅LEGO Super Mario系列近日再推新作，今次係生長於水管內嘅吞食花（Piranha Plant）。模型總共由540塊零件組成，完成組裝後高23cm、寬11cm、深17cm，唔算太大件唔使驚冇位擺，忠實還原血盆大口、紅底白點花紋經典造型，而底座則係一個綠色水管。除此之外，模型嘅頭部、嘴巴、莖以及葉子嘅部份都可以調整，能按玩家喜好擺出各種趣怪甫士，盒內亦包含2個金幣零件。

「LEGO 71426 Piranha Plant」售價為$59.99美元（約$469港幣），預計2023年11月6日正開放訂購。