砌LEGO又係砌，砌高達又係砌，咁你又有冇諗過可以將兩樣嘢砌埋一齊？日本X (Twitter) 用家「YOGO@曲者ペア (@yg45yg)」過去幾年就一直用LEGO砌高達，而且作品完成度相當高。近日佢仲用LEGO砌出《高達SEED DESTINY》中嘅「天意高達」，加埋LED燈後效果相當驚人。

#ガンダムSEEDFREEDOM 製作を記念して レゴ で #プロヴィデンスガンダム を作りました。全高48㎝（約1/60スケール）　左腕のMA-V05Aとドラグーン射出エフェクトはLEDによって発光します#LEGO #ガンダム #ガンダムSEED pic.twitter.com/8SkU9AUYAs

— YOGO@曲者ペア (@yg45yg) September 30, 2023

何色のパーツにしようか迷いましたが、新灰はクスィーで使ったばかりだったので新濃灰にしました。SEED機体は背負い物がデカいので立たせるのは大変ですねー pic.twitter.com/B25A5rZPgS

— YOGO@曲者ペア (@yg45yg) September 30, 2023

據「YOGO@曲者ペア」嘅自我介紹，佢係某間高中嘅模型同好會顧問，有6年砌LEGO嘅資歷，曾參加日本TBS舉辦嘅LEGO大師比賽，並成功打入準決賽；同時亦係三個小朋友嘅爸爸，可以估計佢應該係個中年男性老師。

佢嘅LEGO作品幾乎清一色都係「用LEGO砌高達」， 當中有較為簡單、大約係SD比例嘅創作；亦有如8月時完成、高42cm，大約為1/60嘅The-O II等大型創作。而上月尾時，佢就為咗紀念《高達Seed》系列推出新作《SEED FREEDOM》，所以整咗部高48cm嘅天意高達出黎，而且更為浮游飛翔炮，以及左手嘅MA-MV05A複合兵裝防盾系統加入LED燈效果。

レゴで #ジ・オ を作りました
各所にThe-OⅡの要素を取り入れた陸戦型
全高は42㎝ (約1/60スケール) です

レゴ社純正モーターによって各部が可動。マインドストームのハブを使ったので今回はバッテリーを含め100％レゴ社製です！#LEGO #MOC #レゴ #ガンダム pic.twitter.com/VKIxhcPNqx

— YOGO@曲者ペア (@yg45yg) August 4, 2023

佢於帖文中表示，用LEGO砌高達嘅難處，在於搵到適合嘅LEGO零件去還原高達機體設計，其中機體部份又係最花時間。不過從成品可以見到佢非常完美地還原機體細節，而且因為LEGO零件比高達零件厚身嘅關係，所以成品非常有重量感，與天意高達呢類重裝機體相當匹配。如果想了解更多製作詳情，就要去佢個X (Twitter) 慢慢了解啦。