最近日本茶飲大廠伊藤園，搵嚟AI藝人代言旗下最新產品「Oi Ocha兒茶素綠茶」（お～いお茶 カテキン緑茶），製作出日本首部以AI藝人為主角嘅電視廣告。由於該AI藝人完成度非常高，驟眼睇幾乎同真人冇分別，廣告出街後隨即引起網民熱議。

有網民表示，雖然從眼球及嘴唇運動等細節睇得出唔係真人，但整體效果尚算自然，令人不禁驚嘆科技嘅進步。另有網民認為，AI藝人嘅好處在於唔會惹上醜聞，可以避免藝人因公關災難導致廣告被迫下架。不過，反對AI藝人嘅網民就認為，咁做會搶走藝人及Model嘅飯碗，或引起侵權等問題（前早集英社AI女星寫真集就因為咁而停售），而且呢啲「AI樣」通常都冇咩記憶點，睇完好快就會忘記，甚至當意識呢啲藝人唔係真實存在嘅時候，會有種空虛嘅感覺。

大家對AI藝人又有咩睇法呢？

資料來源：はちま起稿、ascii.jp