{ SKIP }
文:MenClub 魏文青  
POSTED ON 13 Nov 2023

雖然話日本寫真文化深厚,但日本傳統價值觀嘅力量更強大,所以一般而言就算係寫真女星,結咗婚之後一係直接引退、一係轉型做其他演藝工作,反正寫真就唔會再係事業重點,結咗婚先黎出道就更加少之少又。但近日,2月先結婚嘅日本名模「古畑星夏」就成為少數之一,決定推出「最初兼最後」一本水著寫真集,究竟係咩原因呢?

現年27歲嘅「古畑星夏」係日本著名時尚模特兒。佢最早於2009年以13歲之齡,從超過1.4萬名參加者中突圍而出,成為日本女中小學生時尚雜誌《nicola》嘅專屬模特兒,2011年7月到11月號創下連續五次成為封面嘅成績,平咗雜誌紀錄。2013年佢從《nicola》畢業,轉投集英社旗下少女雜誌《Seventeen》,2017年再從《Seventeen》畢業,成為相信各位男人老狗都有聽過嘅《ViVi》專屬模特兒一直至今。淨係睇呢個非常簡易嘅履歷,你都知「古畑星夏」就算曾經影為雜誌影過水著專題,佢都係個「時裝界」嘅人。

咁因乜解究佢會結咗婚先黎出水著寫真集呢?據佢近日接受訪問時表示,其實今次寫真集都係同《ViVi》合作,目的就係想證明自己其實都可以性感,唔一定被「時尚模特兒」嘅框架限死。而佢見到有Fans於社交媒體稱佢為「最性感人妻」時,就覺得自己成功咗啦。至於佢個圈外人老公點睇呢?據知老公都係等到寫真集見街先睇到啲相,睇完嘅反應係「太太太性感啦」。睇黎佢呢本「最初兼最後」寫真集相當成功!

IG:starandsummer

各位爸爸們有咩貼士畀呢位準爸爸?
hobby
【影視】「超人」Henry Cavill準備做爸爸 父親節請教網民湊仔經
17 Jun 2024
由James Cameron執導,Leonardo DiCaprio與Kate Winslet主演《鐵達尼號》(Titanic)可謂一代經典愛情電影,即使上映至今20多年,淒美動人嘅情節依然歷久常新。不過,最近Kate Winslet就大爆浪漫場面背後其實非常尷 ...
hobby
【影視】Kate Winslet爆《鐵達尼號》甲板之吻背後辛酸:好似食緊朱古力棒
17 Jun 2024