{ SKIP }
文:MenClub 魏文青  
POSTED ON 14 Nov 2023

由宮崎駿、高畑勳、鈴木敏夫及德間康快等人創辦嘅「吉卜力工作室」歷年黎推出過無數部經典動畫電影,無論係你細個定係你嘅小朋友細個都係睇吉卜力動畫長大。但截自最新《蒼鷺與少年》嘅24部吉卜力動畫當中,日本又覺得邊部先係「最佳」呢?日本《週刊文春》早前就做咗個讀者票選,搵黎超過600名20代-60代選出個人心目中「最佳吉卜力動畫」!

而登上第五名嘅,就係由高畑勳執導,好多人細個睇過一次就唔敢再睇、極為催淚嘅《再見螢火蟲》。日本讀者們認為《再》非常真實地呈現出處於戰爭之中嘅普通人慘況,展現戰爭嘅殘酷與恐佈。唔少年紀較大嘅讀者都指出《再》令佢哋想起從父母口中聽到嘅戰爭故事,並認為電影能夠向遠離戰爭嘅新一代作出警示作用。

第四位,就係曾雄據日本史上最高票房多年,直到2020年先被《鬼滅之刃 無限列車篇》取代,並拎到柏林電影節金熊獎、奧斯卡最佳長篇動畫嘅《千與千尋》。讀者們表示《千》將觀眾帶入一個興奮的異世界,而且千尋從焦慮中成長嘅故事亦令觀眾感到鼓舞及感動。

去到頭三,一眾「上古神作」終於出現。第三名為1986年上映嘅《天空之城》,亦係「吉卜力」嘅係第二部作品。讀者盛讚《天》製作質量高到完全唔似手繪動畫,飄浮於空中嘅城堡、巨神兵、飛行石等天馬行空設定亦非常迷人。有讀者指自己翻睇過非常多次,記得當中嘅大部份對白,認為電影集驚險、溫馨、幽默,而且結尾相當溫暖,係一部無可挑剔嘅優秀作品。

至於第二名就係吉卜力開山之作 (實際上電影上映日比起吉卜力成立日期更早) 《風之谷》。電影原作為1982年起宮崎駿於《Animage》上連載嘅同名漫畫,而大家熟悉嘅電影版本則於1984年3月上映。上榜原因除咗因為其歷史地位之外,絕大部份人都表示被主角娜烏西卡迷倒。亦有認為《風》係最能表達宮崎駿世界觀嘅作品。

至於榜首、而且係拋離第二名近400分 (票選機制為讀者選出個人頭三名,第一名獲三分、第二名獲兩分,第三名獲一分,再合併計算) 奪冠嘅,就係與《再見螢火蟲》同年上映嘅《龍貓》。值得一提嘅係,如果單論當年上映時嘅票房,《龍貓》喺吉卜力工作室所有作品中最低嘅一部 (與《再》合計11.7億Yen,其上為《天空之城》一部11.6億),但隨後憑住錄影帶、電視重播等而獲得超高人氣,過去亦曾被多個日本海內外媒體選為「史上最佳動畫」。

而讀者們對於《龍貓》嘅評價,就大多於自己嘅童年回憶,又或者與子女一同觀看嘅回憶有關。似乎代表《龍貓》並不僅為一部好電影,更超出螢幕串連起家庭情懷。

資料來源:週刊文春

由James Cameron執導,Leonardo DiCaprio與Kate Winslet主演《鐵達尼號》(Titanic)可謂一代經典愛情電影,即使上映至今20多年,淒美動人嘅情節依然歷久常新。不過,最近Kate Winslet就大爆浪漫場面背後其實非常尷 ...
hobby
【影視】Kate Winslet爆《鐵達尼號》甲板之吻背後辛酸:好似食緊朱古力棒
17 Jun 2024
Ubisoft新作《刺客教條:暗影者》(Assassin's Creed Shadows)因為以黑人武士作為主角,引起玩家社群廣泛爭議,反對者紛紛指責Ubisoft過度強調政治正確,就連Elon Musk亦發文表示:「DEI(多元、公平、共融)殺死了 ...
hobby
【電玩】《刺客教條:暗影者》開發者回應Elon Musk批評:他只是在煽動仇恨
14 Jun 2024