作為藝人經理人，大多時都係於幕後默默工作，你就算再鍾意個藝人都未必知佢經理人係咩樣。但今晚要介紹嘅呢位「池田桃子」，佢雖然只係經理人公司嘅員工，但就因為外型太出眾而被《週刊Playboy》兩次邀請拍寫真，甚至創出「與自己個藝人登上同期雜誌」嘅創舉，咁究竟佢有咩吸引力呢？

現年29歲嘅「池田桃子」出身於日本福岡縣，本來佢就係日本經理人公司「アイ・エヌ・ジー (I.N.G)」嘅「歌手歌曲經理人」，由佢照顧嘅藝人包括演員．模特兒「日下部美愛」，頗為有名嘅水著女星「和地つかさ」及「ほのか」等。但後來因為與2021年時佢因為與「ほのか」一同登上TBS電視台節目《爆笑！ターンテーブル》嘅「藝人．經理人共唱」環節而爆紅，結果二人一齊獲得《週刊Playboy》邀請拍攝寫真，令「池田桃子」創下與自己藝人於同一期雜誌出水著寫真嘅壯舉。

池田桃子與ほのか合照

但即使獲得人氣，甚至有機會自己上節目，但「池田桃子」都繼續於經理人公司返工。但近來佢因緣際會又參加咗個減肥節目，並於兩個月內由57.5kg勁減到47kg，身材返哂黎兼再次引起話題，於是《週Play》就搵佢返黎再拍多次。其實「池田桃子」個樣雖然有啲成熟，但仍有一定市場，唔知佢會唔會借機辭職，從此走入鏡頭前呢？

IG：momoko_ikeda310