MCU本度年最後一部電影《The Marvels（Marvel隊長2）》上周正式上映，據票房統計網站BoxOfficeMojo數據顯示，電影於美國首周票房僅收4,700萬美元，比業界早前預測嘅5,000-7,500萬美元更低，接替2008年《The Incredible Hulk（新變形俠醫）》「包尾」位置，成為MCU史上最差開畫成績電影。

除咗美國本土票房仆直，海外51個國家及地區票房成績亦未如預想，僅收6,330萬美元票房，全球首周票房合共為1.1億美元，考慮到《The Marvels》製作成本高達2.2億美元，而宣傳費方面亦接近1億美元，最終能否回本仍然係未知之數。

對此，有評論認為《The Marvels》嘅成績正印證超級英雄電影熱潮正在散退，另外有分析認為問題在於美國演員工會罷工，導致Brie Larson、Teyonah Parris、Iman Vellani三位主演無法出席活動為電影宣傳造勢。唔知大家又認為《The Marvels》究竟係衰咩所以少咗咁多人睇呢？