{ SKIP }
文:MenClub 艾力克  
POSTED ON 17 Nov 2023

Rockstar Games如無意外將於12月推出《GTA 6》首部預告,引發全球機迷熱切期待,但售價好有可能會貴過前作唔少!

Rockstar Games母公司Take-Two Interactive執行長Strauss Zelnick日前於財報電話會議上提到,買斷制遊戲應該按該遊戲能夠提供嘅遊玩時數而定價,換言之隻Game愈耐玩、愈多內容,就應該賣得愈貴:「決定任何娛樂產品售價時,基本上都係依據該作品所帶嚟嘅娛樂價值計算,例如每小時價格乘以預期享用時數,最後加上顧客對該作品期望嘅最終價值。因為客人係買斷該作品,而非租借或訂閱。」

按照呢套邏輯,Strauss Zelnick就認為公司旗下嘅遊戲實在賣得太過便宜,事關《GTA》《Red Dead Redemption》等系列閒閒地都可以玩超過100小時,例如以《GTA 5》售價60美元、可遊玩時數為60小時計算,咁每小時價格只需1美元,的確非常抵玩。不過Strauss Zelnick亦補充,佢咁講唔代表遊戲業界期望加價或具有定價能力,而係指出買Game對玩家嚟講係一件性價比好高嘅交易。

對此,網民就唔太認同呢種計算方法指出娛樂效果難以量化,好難去定每小時遊玩時間應該值幾錢。再者,如果玩家覺得遊戲內容冗長沉重,玩唔足鐘又應該點計,係咪要回水?除此之外,有網民就表示隻Game如果好玩,就算遊戲內容少、可提供遊玩時數短,佢都願意埋單。

隨著近年各大廠商將3A大作定價從60美元提升至70美元,加上T2 CEO獨到嘅見解,可以預視到《GTA 6》正式問世時應該會前作貴出唔少,唔知大家又接受到《GTA 6》最貴賣幾多錢呢?

資料來源:thegamer
根據現場傳媒文字描述,大家唔使擔心Deadpool過檔迪士尼後會變得合家歡喇,Deadpool依舊咁抵死幽默!
hobby
【MCU】《死侍3》於CinemaCon展示9分鐘片段!延續原有R級片風格
12 Apr 2024
爆笑搞鬼電影系列《搞乜鬼奪命雜作》即將回歸,近年多咗唔少新恐怖片,唔知今次會調侃邊部賣座作品呢? 派拉蒙影業日前於CinemaCon上宣布,將聯同《Fast Furious(狂野時速)》系列監製Neal H. Moritz推 ...
hobby
【影視】《搞乜鬼奪命雜作》宣布重啟!今件秋季開拍明年上映
12 Apr 2024