由Naughty Dog工作室製作，獲得超過300項年度遊戲大獎（GOTY）嘅《The Last of Us Part II》宣布將於PS5上推出復刻版（Remastered），除咗畫質及遊玩表現有所提升，更追加Roguelike生存模式。屆時持有PS4版玩家可以花10美元升級，存檔可繼承。

據官方介紹，為配合PS5強大處理效能，復刻版將支援原生4K解像度畫質，場景材質及陰影品質等細節亦會大大提升，遊戲讀取時間更短。而遊戲更會追加名為「No Return」嘅Roguelike生存遊戲模式，有大量角色可供選擇，每個角色都有各自特點及玩法，讓玩家能按個人按喜好玩出自己嘅風格。除此之外，仲有一個名為「Guitar Free Play」嘅新遊戲模式，顧名思義就係一個畀玩家能夠自由彈奏結他嘅模式。

《The Last of Us Part II Remastered》將於2023年12月5日起開放預購，並於2024年1月19日正式登陸PS5，售價尚未公布，有興趣嘅朋友請密切留意。