過往引入《The First Slam Dunk》電影，以及出過《遊戲王》「青眼白龍八達通」嘅羚邦集團又有新搞作，今次繼續係《遊戲王》限量八達通，但就由青眼白龍換成人氣更強嘅系列「看板娘」、可愛又性感嘅「黑魔導女孩」。睇黎大家又要搶一餐啦。

話說今年係《遊戲王》卡牌面世25週年，所以羚邦集團就再次推出全球限量8,000套嘅「《遊戲王》卡牌遊戲25週年黑魔導女孩特別版八達通紀念珍藏套裝」。套裝除咗有標註了星數、攻擊力與防禦值嘅黑魔導女孩卡牌款八達通之外，仲有一組閃粉流沙角色立牌，能夠營造出動畫中黑魔導女孩發動特殊攻擊時嘅特效。另外每個收藏盒均印有獨立編號，增加收藏價值。

「《遊戲王》卡牌遊戲25週年黑魔導女孩特別版八達通紀念珍藏套裝」由即日起於於Ani-Mall®及指定7仔預購預購，發貨日期預計為2024年3月初。售價則為$398 (只提供成人八達通，不設按金、儲值額及不能退還)。

同時羚邦亦會推出以《遊戲王》千年積木為主題嘅銀包、背包及縮骨遮。另外亦有《咒術迴戰》、《水星的魔女》、《藍色監獄》等多套人氣動漫嘅週邊。大家亦可以去Ani-Mall選購。

《遊戲王》卡牌遊戲25週年黑魔導女孩特別版八達通紀念珍藏套裝預購網站：https://www.ani-mall.asia/pages/anime2023