由Christopher Nolan執導嘅《Oppenheimer》叫好又叫座，並一舉入圍今屆奧斯卡13項大獎，其中Cillian Murphy及Robert Downey Jr.分別獲提名「最佳男主角」及「最佳男配角」，然而兩人原來曾經爭演過同一個角色！

最近Robert Downey Jr.於美國電影院協會舉辦嘅《Oppenheimer》放映會透露，表示自己當年曾參加《Batman Begins（蝙蝠俠—俠影之謎）》試鏡，爭取飾演劇中反派「稻草人」（Dr. Jonathan Crane/Scarecrow）：「仲記得當時我同Christopher Nolan會面一齊飲茶，不過佢似乎冇好專注喺個次面試。佢相當有禮貌，但你可以感覺到對方並冇打算選擇自己。」

RDJ dropping BOMBS at the @am_cinematheque conversation. He apparently met w/Nolan for SCARECROW for Batman Begins only to be beat out by Cillian Murphy. Woah! #Oppenheimer pic.twitter.com/zBE9tts47E

— Griffin Schiller (@griffschiller) February 4, 2024

正如Robert Downey Jr.所料，「稻草人」一角最終由Cillian Murphy奪得（題外話：當年Cillian Murphy其實係試鏡蝙蝠俠），並因此而成為Christopher Nolan嘅御用演員，先後出演《Inception（潛行凶間）》、《Dunkirk（鄧寇克大行動）》以及《Oppenheimer（奧本海默）》等大作，而Robert Downey Jr.就憑藉飾演「Iron Man」衝上事業高峰。

Cillian Murphy於《蝙蝠俠—俠影之謎》飾演反派「稻草人」