{ SKIP }

POSTED ON 22 Feb 2024

Sony去年推出手持遊戲裝置「PlayStation Portal」,主打讓玩家透過串流模式遊玩PS5主機內遊戲,而裝置本身並不能獨立運行遊戲,令唔少玩家大嘆雞肋。不過,最近有工程師就成功破解主機,令Portal能透過模擬器遊玩翻版PSP遊戲,咁會唔會增加咗吸引力呢?

(圖片截自:X

據外媒報導,最近兩名Google工程師經過一個月時間努力,成功在Portal安裝及運行著名PSP模擬器「PPSSPP」,並於社交平台貼出一張透過Portal遊玩《Grand Theft Auto: Liberty City Stories(俠盜獵車手:自由城故事)》嘅照片。其中一名工程師Andy Nguyen表示,Portal以Android作業系統為基礎,而Sony亦採取某種方式防止用家直接將apk安裝到機內,不過佢哋已經搵到漏洞繞過限制,整個破解過程全屬軟件層面,無需改動硬體。

免費開源PSP模擬器「PPSSPP」能在Windows、macOS、Linux、iOS、Android等多平台使用

不過Andy Nguyen目前尚未分享實機遊玩影片,所以唔清楚實際玩落順唔順暢,會唔會有掉幀或卡頓等問題,而且暫時未有計劃將破解方法公諸於眾。Andy Nguyen表示會喺本周末上傳實機遊玩片段,有興趣嘅朋友可以留意一下。

資料來源:theverge
Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025