獅門影業（Lionsgate Films）正式宣布開拍《火影忍者》真人版電影，由《尚氣與十環幫傳奇》導演Destin Daniel Cretton執導及擔任共同編劇，原作者岸本齊史更大讚Destin係不二人選。

對此，原作者岸本齊史表示：「當我得知Destin加入時，我剛好睇完佢所執導嘅動作大片，嗰時我就覺得佢係真人版《火影忍者》嘅理想導演。當我再欣賞埋佢其他作品，了解到佢擅長創作紮實嘅人物劇情片時，我更確信佢係真人版《火影忍者》導演嘅不二人選。而我實際上會見Destin後，發現佢係一位思想開放嘅導演，好樂意接受我提出嘅意見，我相信我哋能夠係製作過程中順利合作，創作出一部兼具動作及深刻劇情嘅電影，我為此感到非常興奮。」

人氣漫畫《火影忍者》於1999年至2014年在《週刊少年Jump》 上連載，累計銷售高達2.5億冊，Fans遍佈全球各地，多年嚟曾被多次改編成電視動漫、劇場版動畫、遊戲及舞台劇。目前未知電影會改編自原作邊一個篇章，亦未知演員人選、預計幾時上映，有待官方後續公布。

資料來源：THR