Tesla行政總裁Elon Musk情史相當豐富，目前已知嘅子女已多達11位。最近一名嚟自肯亞嘅男子就自稱係Elon Musk嘅私生子，並發起網絡眾籌，希望廣大網民資助佢遠赴美國驗DNA尋親。

最近一位名為Elon Musk Junior嘅肯亞男子在X上發出「尋父啟事」，表示Elon Musk於90年代初曾入住肯亞馬賽馬拉JW萬豪酒店（JW Marriott Masai Mara Lodge） ，當時佢媽媽係酒店經理，而且兩人經常見面，所以佢有理由懷疑自己係Elon Musk嘅私生子。並表示雖然爸爸係億萬富翁，自己卻生活在赤貧之中，所以希望網民轉發該貼文，等佢可以早日同爸爸相認。

事隔數日後，Elon Musk Junior表示已收到Elon Musk律師團隊聯繫，不過對方堅持要佢到美國進行DNA親子鑑定，於是便發起網絡眾籌，希望廣大網民能夠「一人一美元」資助佢前往美國接受檢驗。根據最新數字，目前Elon Musk Junior已籌得249美元捐款，距離1萬美元目標仍然有一段相當大距離。