四歲馬經典賽事系列終極之戰「2024寶馬香港打吡大賽 」將於3月24日在沙田馬場隆重舉行！這項只限四歲馬參與嘅2000米賽事，係每匹賽駒一生只有一次機會角逐嘅殊榮。

今次盛事除左有「打吡大使」甄子丹，日前於跑馬地馬場舉行獲選參賽馬匹名單公佈會上，還請來另一位特別嘉賓 - 純電動豪華房車 BMW i7。為隆重其事，14 輛純電動豪華房車 BMW i7 更「穿」上馬主獨一無二嘅「綵衣」列陣，令人目不暇給。

「寶馬香港打吡大賽」係「四歲馬經典賽事系列」嘅壓軸（尾關）。打吡大賽一向貴為賽馬運動界殿堂級大賽，香港打吡更是全球獨一無二，僅限四歲賽駒參與（其他大部份打吡係三歲）。因有年歲限制，所有馬匹一生只能參加一次，機會極奇珍貴，可一不可再，難怪被稱為「四歲功名．一生一次」的盛會。香港的四歲馬經典賽事系列共設三關，首關為香港經典一哩賽，次關香港經典盃，而尾關則為終極之戰「寶馬香港打吡大賽」。

今屆打吡大賽除了展出 BMW i 全線純電型號外，更邀得甄子丹擔任打吡大使，一同為四歲佳駟打氣。活動當日有連串精彩節目，包括人氣歌手 MC 張天賦打頭陣的開場演出、主題美食及打卡位！尤其是 2022 年打吡冠軍的練馬師沈集成，今年有狀態頗佳的「喜蓮勇感」和「超超比」參賽，對碰另一冠軍練馬師蔡約翰的高評分四歲馬「驕陽明駒」，到底2024 年四歲馬冠軍寶座最終花落誰家？大家拭目以待！