品牌Crocs近年一直致力創新，各式各樣新品完全顛覆大眾對 Crocs 的固有印象。品牌更不斷透過同不同國際品牌及設計師合作，帶來一個又一個聯乘系列，成為全球潮人心愛產品。

早前Crocs已於倫敦時裝週帶來與 Simone Roca 的聯乘系列，以最充滿少女心的手法，帶來品牌有史以來其中一件最浪漫的藝術品。

而今次經 Simone Rocha 演繹嘅 Crocs，絕對係最浪漫嘅版本。貴為「珍珠女王」，Simone Rocha 透過在 Crocs 鞋面上填滿巨大珍珠及寶石，營造出龐克少女浪漫氛圍。今次聯乘一共帶來七個款式，主要分為三大鞋型，分別係大眾所熟悉嘅經典 Classic Clog、全城熱捧厚底 Siren Clog，以及首次曝光嘅Quick Trail Sneaker，係一款以採用 Croslite™物料拼紡織鞋面、束帶鞋帶嘅 Sneaker 款式；劃龍點睛之處係Simone Rocha 為鞋款嵌上大大小小珍珠與閃石 Jibbitz™鞋飾，甚至連鞋中底周圍亦鑲有裝飾，十分搶眼。

今次聯乘鞋款以黑、白、透明霧面配色為主，而 Quick Trail Sneaker 款更有 Simone Rocha 最愛嘅粉紅色。唔少明星、模特兒、設計師已率先於不同活動、演唱會等重要時刻率先穿上，可見全城都對今次聯乘非常熱愛，所以大家一定唔可以錯過喇!