OKOK，我知今時今日仲話「女人就係要洗衫煮飯」、「肯做呢啲先係好老婆」，的確係有啲政治不正確。但大家又真係不能否認，如果有個女人同你講佢願意做家務——願意就得架啦，都唔使真係做呀！——又真係好鬼加分。如果呢個女仔仲要好似「新谷真由」身材咁好，相信大家連個孫叫咩名都已經諗好埋添啦！

今日（4月3日）近來23歲生日嘅「新谷真由」，早於2018年就參加日本女性時裝雜誌《Popteen》舉行嘅高校生選美比賽，並奪得總冠軍而出道。隨後佢曾經加入女團「Pimm's」，不過發展就未算順利，後來亦退出並加入另一女團「パラディーク」。直到2020年佢為《月刊Young Magazine》獻出首次水著寫真，憑住149cm身高配33F嘅誇張身材火速走紅，自此就成為各大雜誌嘅封面常客。

近日佢再次為《週刊Playboy》拍攝以同居為主題嘅寫真時，就表示自己認為結婚之前一定試下同居先，而且佢亦唔介意幫另一半洗衫煮飯——不過真係僅限字面上嘅「洗衫」同「煮飯」，晾衫呀、洗碗呀嗰啲佢就唔鍾意做，所以搵到個會同佢分擔家務嘅男人嘅最好啦！如果女朋友係「新谷真由」嘅話，唔好話分擔家務啦，幫手「擔」埋其他嘢大家都冇咩怨言啦下嘛！

IG：ni_mayu43