曾為多部動漫作品推出腕錶嘅日本品牌PREMICO，最近趁住《哥斯拉》系列迎來70周年，特別推出一款紀念長銀包，其特色在參考咗哥斯拉原形師茨木彰設定，透過真牛皮重現哥斯拉皮膚紋理，正面為哥斯拉胸部皮膚，而背面則為哥斯拉下身皮膚，尺寸為19.5cm x 9.5cm x 2.8cm。

除咗外表有型，呢款銀包亦相當實用，打開拉鏈後共有19個間隔，可以裝卡片、紙幣及散紙等等，內則印有70周年紀念Logo，而拉鍊更附上哥斯拉背鰭造型吊飾。包裝盒方面亦絕不馬虎，特別採用1954年初代《哥斯拉》海報設計，十分經典。目前呢款銀包已於PREMICO線上商店公開販售，售價為32,780日圓（約HK$1,650）。