黃子華話齋，對女人黎講「瘦」嘅定義係「瘦減十磅」，所以女人一直都覺得自己唔夠瘦，減肥就成為佢哋嘅畢生事業之一。但喺男人嘅角度，就通常都希望女仔身上有啲肉——至少係某啲部位有啲肉，甚至我哋其實唔介意女仔有少少肥添！好似今晚要介紹嘅呢位「竹内花」，以女人嘅標準佢就一定唔夠瘦，但我就覺得佢啱啱好啦！

其實大約兩年前我就同大家介紹過現年25歲嘅「竹內花」。2016年參加雜誌《週刊Young Champion》舉行嘅「Miss Champion」而且獲得冠軍而入行嘅佢，其實自出道起就以又軟又有肉嘅「棉花糖」身型而走紅。而過去呢兩年佢嘅人氣亦節節上升，除IG已經有5.2萬追蹤之外，早前更首次獲《週刊Young Jump》邀請拍攝寫真。佢於訪問中表示自己好鍾意《Young Jump》上連載嘅漫畫，所以能夠登上雜誌係夢想成真！

對比起兩年前嘅相，可以發現「竹内花」塊面少咗啲Baby Fat，令輪廓更加明顯。但難得嘅係佢兩年黎身材幾乎冇變，上圍固然繼續豐滿，而腰部亦有保留睇黎手感非常好嘅嫩肉。睇黎佢都深知自己嘅優點同賣點喺邊到呀下！